泰生不抖 陳啟泰
|
 |
需唔需要用錦囊？
（《百萬富翁》口頭襌） |
《百萬富翁》救了亞視，贏了收視，還紅了一個陳啟泰。入行11年，阿Ken以往雖然未致於窮到褲穿窿，但相信亦從未想過會做富翁。由昔日電視劇閒角到今日成為圈中風雲人物，他才是百萬富翁真正大贏家。
節目短，人氣完，是娛樂圈自然定律，《百萬富翁》年底停播，陳啟泰深知要賺錢的時日着實不多，阿Ken今年只好放棄休息，全力出擊。每星期他有5日集中火力北上𢱑銀，數月間已接了10個廣告，30場登台騷，其餘剪綵、商場活動多不勝數，短短7個月便賺了過千萬。
「日日做到冇停手，我諗唔係每個人都會有咁嘅機會，趁依家仲有人搵我做嘢，梗係搏命去做，希望可以儲夠錢就退休，當然現時我會繼續北上，因為《百萬富翁》幫我開咗好多道門，我已經慳番唔少時間。」
今天陳啟泰的星運，像煙花般燦爛。當過了主持，還要當歌星。
「早排我幫亞視劇集《親子情未了》錄咗首主題曲同插曲，我一向鍾意唱歌，今次可以話係一償所願。明年3月重會出EP㖭！」
陳啟泰說得眉飛色舞，辛勞工作的背後，是一連串來得遲但好過無的回報。只是，每天聽慣「最後答案」的觀眾會不禁問，這朵燦爛煙花，會否只是一剎那？
陳啟泰會答你，煙花可以爆放，已是莫大的鼓舞，很多人一世營營役役，連燃點藥引的機會也沒有。
(撰文：勞燕萍 攝影：王建明)
|
